உடல் ஆரோக்கியத்தில், வாழ்க்கைமுறையானது முக்கியப் பங்கு வகிக்கிறது. ஆரோக்கியமற்ற வாழ்க்கைமுறையின் விளைவாக, ஹைபர்டென்சன் எனப்படும் உயர் ரத்த அழுத்த பாதிப்பு, உடல் பருமன் உள்ளிட்ட பாதிப்புகள் ஏற்படுகின்றன. நோய்ப்பாதிப்புகளை முன்கூட்டியே கண்டறிந்து அதற்கான சிகிச்சைகளை மேற்கொள்ள, முழு உடல் பரிசோதனைகள் பேருதவி புரிகின்றன.இத்தகையப் பரிசோதனைகள், உங்களை வழக்கமான உடற்பயிற்சி, சரிவிகித உணவுமுறை உள்ளிட்ட ஆரோக்கியமான பழக்கவழக்கங்களை மேற்கொள்ள வழிவகுக்கின்றன. இந்தப் பழக்கவழக்கங்கள், உங்களை நோய் அபாயங்களில் இருந்து பாதுகாக்க உதவுகின்றன. [...]

வாழ்க்கைமுறை நோய்கள் என்பது ஏதோ ஒரு சிலருக்கு மட்டுமே வரும் என்ற காலம் மாறி, தற்போது அனைத்துத் தரப்பினரையும் பாதிக்கும் நோயாக மாறிவிட்டது என்பதே கசப்பான உண்மை. வாழ்க்கைமுறைத் தொடர்பான நோய்கள் அல்லது பரவும் தன்மையற்ற நோய்கள், நம் அன்றாடப் பழக்கவழக்கங்களின் காரணமாக வருவதே ஆகும். உடற்பருமன், உறக்கமின்மை, இதய நோய்கள், புற்றுநோய் உள்ளிட்ட பாதிப்புகள், வாழ்க்கைமுறை நோய்களாக வரையறுக்கப்பட்டு உள்ளன. வாழ்க்கைமுறை நோய்கள் உடல்நலம் மற்றும் பொருளாதாரத்தை பாதிக்கின்றன. [...]